ویشتلی زوی مي پروت راته له کومه کړم کــفن
مـــوري مـــه ژاړه ویـــرجـــني زه نـــه غـواړم کفـــن
جــــګړه مــــي لـــه غلــیم وه ویشتلی په ټــټـــریـــم
پـــرهېـــواد مـي سرورکړی، خـودبه ځمه بې کفن
خدایه وینوملک نیولی، څه وکـــړم زه خــــواره؟
موري اوبوم دملک ګلونه په سرو وینو بې کفن
زویــه و بـه دي بلېږدم، په دې خپل پړیني کــــي
ای زماویرجیني موري، مکړه ویـر! زه نه غواړم کفـن
دلـته ټـول چي پـراته ګورې، یو لانه لـــري کفــــــن
زه یــم هـــم ددوی په شـــاني موري نه غواړم کفــن
مــــوري کــــړه دعــــــا راتـــه صبـــر کـــــــړه الله تـــــه
پـــربــې کـــفنه ژړا مــکړه اوس زه ولاړم بـې کفن