نوى کال
په نن سباکې به راپيل نوى کال شي
بيابه شيطان څومره خوشحال شي



ډمان به ولاړ شي ومزارته
دښکلي بلخ ومزار ښارته
دحضرت علي په نوم دربارته



هلته به جوړبيا په روضه باندي څه حال شي
بيابه شيطان څومره خوشحال شي



دا دبل دود دنورو کاردى
زموږ په ټولنه باندي بار دى
څوک چې يې کړي ډير ګنهکاردى



د لو ګناه که دې په زړه دلمانځوخيال شي
بيابه شيطان څومره خوشحال شي



بيا چې جنډه کله جګيږي
ښځې اونر سره ګديږي
دبدعاتو شمير زياتيږي



دا وخت دډېرو ايمانونه کې پايمال شي
بيابه شيطان څومره خوشحال شي



شيطان يي مست کړی لامستيږی
ډمان اتڼ وهي څرخيږی
د ځان په ستړيونه پوهيږی



خدای ته زارۍ وکړه ( رمانه) چي سم حال شي
بيابه شيطان څومره خوشحال شي




نوي کال
دنوي کال لمانځل ګناه ده د اورلمانځو کاردى
دا له اسلام سره ټکر دى د بي لمانځو کار دى



که څوک بياوايې چې همدا زموږ دکلتور ورځه ده
د پښتني او افغاني دود او دستور ورځه ده



د غه سړى له هر څه وتى دى له قامه وځي
په ځان دي چوپ کړي کليمه چي له اسلامه وځي



ته په دې خوښ يې چې نيکه ته دي کافر وايې څوک
يا مجوسي يا يهودي يا متاثر وايې څوک

ته هم دهغه احمدشا اوميرويس خان ټبر يې
د غزنوي اوملالۍ او اکبرخان ټبريې



که په ځان پوه يې ولي فخرپه بتانو کوې
دغه کړه پريږده ولي کار دکافرانو کوې



که مسلمان يې ځان ملت د ابراهيم يادوي
يا د اسلام په حقه لاره ځان مقيم يادوي



په تير دي وباسه توبه چي بيا دا کار ونکړې
( رمان) ته ورکړه يو ضامن چي پري انکار و نکړې