بـلـبـل راغـلـــی ګـل دی مــړاوې ګلســتـان ژاړمــه
قامي وجـوده سـتـا رېــښـې رېــښـې ګریوان ژاړمــه



د زړګې کور مې نن کنډر دی د بـیـلتـون د لاسه
د پښتنې جونګـړې غـم هــم پـــه مــیــدان ژاړمــه



دا ستا د ژوند دا ستا د فن قیصه نېمګړې پاتي
ای دروند پښتونه ستا پرهر پـرهـر داسـتان ژاړمـه



وخته زر لاړ شه خوشحال خان او میرویس خان کړه خبر
د امــن شـــال غلـبیل غلبیل د باچا خان ژاړمه



د احــمـــد شــــــاه بـــابــــا ټـــــغــره د نـــظــره شــولــې
سـتا د زخــمـونــو د دردونـو لـوی کاروان ژړامه



نسیمه ســتـوریـه تــه دردېـــږي زه دردېـــږم پــــدې
دا وچـې شـونـډې مې د خپـل وطــن جـانـان ژاړمــه