قوت په غوښه کي وي پروت په سبېره دال نه کیږي
انقلاب غواړي قرباني تش په هرتـــال نــــــه کیږي



چي هم شتمن وي هم یه ډیــــر وي ددیـــدن لیوني
ډیرپه اسانه دهغــــــــه صنم وصـــال نــــه کیږي



څوک داسلام نـــعري وهــــي څوک دپښتو مینان
داهدفــــونــــه پــــه شعار دسپین دېوال نــه کیږي



چي پیوندونه دچا زړه کښي دایمــان مضـــبوط وي
وېره یه هیڅ وخت له فتنوسه ددجـــال نــه کیږي



دچاښایست کې چی تقدیر زړه راکښون نه وي ایښئ
دوریځومینځ کې په ښودلو دشنه خال نــــــــه کیږي



هاغه سړئ څومره سپیحلئ څومـــره ښه سړئ دئ
له همسایه سره یــــــه شخړه او جنجال نــــه کیږي



که شي هرڅومــــره ښــــه شاعرمحمدعلی عمری
بې له لوستلویه دسترخټک خـــــوشحال نه کیږي
۰۰۰
په درناوي