که هرڅو له تانه لرې يا نږدې يم
لکه کيف غوندې به بياهم درپسې يم
په زړګي کې ستا دمينې جذبه راکړې
نور تنګ شوی له بې مينې زمانې يم
بازاري ښکلي پرون راته ويل چې
کله يومخ کله بل مخ د سکې يم
را ويستلی دې په څه له حافظې يم
اخر ولې؟ ستا دچم ستا د کوڅې يم
د غرور ماڼۍ که هرڅو کړم ودانې
اخر بيا هم لکه ګل خاورې اېرې يم
تا چې ووينم په زړه باندې تسکين شم
باور وکړه بې قراره ترهغې يم



۱۳۹۱/۱۱/۱۹سلواغه
پکتيا اتفاق مېنه