بې وسي ده


بې وسي مې ده جانانه بې وسي ده
نوردنه يادوم ګرانه بې وسي ده
دزړه زورکوم که نه څه وس مې نشته
قرارکله شته بې تانه بې وسي ده
ناتوان شوم ځکه دې لارې ته مخ کړم
هربې وسه ته آسانه بې وسي ده
دباران په ځاي راتوى کړه په موږکاڼي
ته هم ښه پوه ئې آسمانه بې وسي ده
يو دلوئې لوبې دام کې راګيرشوي
له پاميره تربولانه بې وسي ده
چه مې نه رسې لاسونه تربې ننګو
بس ګيله کړم له خپل ځانه بې وسي ده
خدايږوکله مې پيرزووه په تابانې
اې زماڅيرې ګريوانه بې وسي ده
نه څه کړاي شم نه مې زړه درنه صبريږي
اې دسروګلوبوستانه بې وسي ده
چاته حسن چاته سرې سترګې بلاشي
زه ستاغم کې سرګردانه بې وسي ده
ته مې روح ته مې ژوندون ته مې حيا ئې
زما عشق زماايمانه بې وسې ده
آسمانونه درنه زار ځمکه درزار شه
موږته زيات له ټول جهانه بې وسي
اې زماښکليه وطنه درنه زارشم
دروهين دزړه ارمانه بې وسي ده



جرمني- اوفن باخ ښار
18.02.2013