زه مجاور دخپل شهيد ارمان جڼـډې ته ناست يم
 مادټول عمر يو،يورنځ ړزه ته يوځل ايښی دی
 د دې زيارت دلار اغزي راته ګلان غوړوي
 چې دسرمست ملنګ په پل باندې مې پل ايښی دی
 پرون مې څاڅکې وينې سره لاله رنګينه کړله
 نـن مې په وياړ دخپل جانانان په تور وربل ايښی دی
 مادجنون دښته کې کوم جنت ته ساه ورکړی
 هغه ماحول باندې چې چانوم دکابل ايښی دی
 ساده،ساده کاته ئې ډيرې سترګې ټيـټې کړلـې
 لا ئې سرکش،سرکش باڼه ته ئې کجل ايښی دی
 ارينه،خدايږو پرې ويريږم چيرته ماتې نه شي
 دزړه ټوټې مې په اټک بل په زابل ايښی دی