غم په غم پسې رادرومي له غمونو سره مخ یو
 لاس چې خلاص کړو پښې شي بندې له دامونو سره مخ یو


 موږ پخپله یو دبل وزرونه مات کپرۍ سرې کړې
 پښې موماتې په اړخ رغړو له عیبونو سره مخ یو


 خیال یې نه ساتو چې څومره سپېرې سپورې راځي خولې ته
 اثبات نشته بې ثبوته له تورونو سره مخ یو


 تورټغر دماتم پروت دی دپښتون بدبخت په کلي
 هم مو وژني هم مو ښکول کړي له نازونو سره مخ یو


 په ژوندون موخپل خواږه مشران ونه پالل له کیبره
 چې سا ورکړي بیاپرې ژاړو له ویرونوسره مخ یو


 موږ لرل شکر اوس هم لروکافي ډېرمشعلونه
 خو افسوس چې تل مدام له تورتمونوسره مخ یو


 دغزل سلطان موهم کډه شوخدای دې جنت ورکړي
 پسرلی دریادوم له خزانونوسره مخ یو


 ای بسمله لاس کړه لپه خپل ناروغ قام ته دعا کړه
 په یوکورکې نه ځایږوله درځونوسره مخ یو
http://nakhtar.bloguna.tolafghan.com/posts/20409