راليږونکی :سید نجیب الله سادات
د راليږونکي پته :najibsadaat@yahoo.com
نيټه : 26-05-2008
غزل
د دردلمبه به مې له خولې راوځي اور به واخلې
یا سر له اوسه سم قدم زما په لور به واخلی

زمانې څه راته ګواښونه کوې زه پوهیږم
چې ارمانونه به مې ورېبې او لور به واخلې

جانانه! ته چې راته وایی خېردی صبروکړه
که دې د څړیکو نڅا ولیدله تور به واخلې

هغه صورت چی همیشه به تا نوم ګل ورکاوه
که اوس دی ولیده نو هسې سوی سکور به واخلې

زما په شړلو به یو شې ته تر لاسه کړې چې
بس ددې چم د هر وګړي نه پېغور به وا خلې

دا د سادات مینه کې ګوره څوک تاوان نکوي
چې زړه وکړې نو په ځاې یې دزړه کوربه واخلې
سيد نجيب الله سادات