د تڼاکو غوبل

کله اقرار کله انکار خوښوم
دمينی هغه دغه کار خوښوم
چی په کی مينه بی تاله خرڅيږی
هغه محل او دغه ښار خوښوم
هر مازديګر چی به شمال ځنګاوو
دبر ګودر ها د نګ چينار خوښوم
چی تر منګی لاندی يي را کړه خولګۍ
هغه ګودر اوهغه لار خوښوم
لاکوي زړه کې دتڼاکو غوبل
دمينې دارنګه انګار خوښوم
خود په اتڼ ځي دګريوان دښتی ته
درڼو اوښکو روڼ کتا ر خوښوم
نن درته درد هم پکې خوږ لګيږي
(عزته‏)! ستا زړه کې پرهار خوښوم
محمد رفيق عزت