وې يي خيردئ

دملت په نوم اوس خپل قسم ترې هير دئ
مونږ چه هر څه ورته وايو ،وايي خيردئ

مونږ وې کور کلئ مو وران شوو
په خپل کور پردئ افغان شوو
وې يي خيردئ
مونږ وې کور په کور خفګان شوو
نورمودلته ژوندون ګران شوو
وې يي خير دئ
مونږ وې وران افغانستان شوو
داخو ستر ملي تاوان شوو
وې يي خير دئ
مونږ وې خاورې موارمان شوو
ستاراتګ مو په تاوان شوو
وې يي خير دئ
مونږ وې سخت دلته ګذران شوو
خپل وطن راته زندان شوو
وې يي خيردئ
مونږ وې مشره وطن چورشوو
دپرديو دومره زور شوو
چه واکمن مو اوس دکور شوو
راته جوړ مشره پيغور شوو
وې يي خيردئ
مونږ وې مشره زړه مو تنګ دئ
راروان په مونږ بل جنګ دئ
دښمن جوړ راته نيرنګ دئ
غټ شيطان يي هم تر څنګ دئ
وې يي خيردئ
مونږ وې مشره غلطوې مو
خدای ته ګوره شرموې مو
داسې بريښي خرڅوې مو
په ځان پوه يو ورکوې مو
وې يي خيردئ
مونږ وې مشره خان دې سم کړه
درپه ياد دې خپل قسم کړه
دقيا م عرضونه واوره
پورته ښه اوچت قدم کړه

الحاج الهام الدين قيام
والدورف،جرمني
٢١٠١٢٠٢٠١٠