غزل 

کردار د محبت به لوبؤم چی څو ژوندۍ یم
نفرت به د پښتون نه بيلؤم چی څو ژوندۍ یم
د مست شباب جنت به درته جوړ کړمه دلبره
ائین ته به د خېال دی خندؤم چی څو ژوندۍ یم
لوګو کښې د بارودو او ازغن ازغن ماحول کښې
ګلان به د شعرونو جوړؤم چی څو ژوندۍ یم
د یار ماشومه خياله اوده نه شې زما زړه کښې
په ټال به دی د زلفو ځنګؤم چی څو ژوندۍ یم
د دار او د دهشت نمره اوریږم زه شبنم یم
څهرې به د ګلونو لمبؤم چی څو ژوندۍ یم

 ډاکټر شبنم ګل