غــزل

څه خوږ مې زړه ته ښکـته شي په سـاه کې ځي راځي 
ســتا نــوم د ژبــې سـرته په ګــــډا کې ځــي راځي 

اشـنــا د سـترګو یاد دي جـنـتـي بولم پـه خــدایــږو 
په سـویــو اسـویـــلو کې پــه دعــا کې ځي راځــي 

یـو څــوک به لــوبــوي د چــا دزلــفـو ولونه ولونه 
څــو شـوخي خـوشـبویـي بیا په هـواکې ځي راځي 

د شــګو جـاینـماز یې د ګــودر په سـر هـوار کـــړ
یــو شېـخ لېـونی شــوی پــه قـــبــا کې ځي راځي 

ارمـــان دی زلمــيتوبه تـر قیــامـــته راسـره وای 
تــوبې مو د بنـګـړیــو په شــرنګاه کې ځي راځي 

دې خــپلې بېـوسۍ هـم لېونتـوب راته راوښــود 
یوڅـــوستـړي لـفـظـونه مې خـندا کې ځي راځي 

سید فـخـرالدین هاشمي