سرليک: ټپیزې

پټه راوتې یم له کوره

بې اجازې له پلار و موره

زماجانانه په زړه توره

مازدیګر مه ګوره ما ګوره

مازدیګر تل وي زه به کله کله یمه

=‫===‬

ښکلا ، ښکلا مخې ته راغله

ځلا ، رڼا مخې ته راغله

سیخه زما مخې ته راغله

خماره بیا مخې ته راغله

مخ په سالو پټوي ، شونډې بڅوینه

=‫===‬

پرته له ځنډه یې راکوز کړئ

لکه یوه (غونډه) یې راکوزکړئ

ورشئ په منډه یې راکوز کړئ

له ملکنډه یې راکوز کړئ

چې په پردۍ یاري کې څوک ګوتې وهینه

=‫===‬

نه دي دکلي نه د ښار کړم

سم روغ سړی وم تا بېمار کړم

څه دې مجنون څه دي هوښیار ‫کړم‬

مینې دي داسي پامتدار ‫کړم‬

په مېږي پښه نه ږدم چې یار بې پاته شینه

(غونډه): په درېیمه ټپیزه کې مې له غونډې نه مرام زموږ
دسیمیزې لهجې پر بنسټ هغه تیږه ده چې وارول کیږي

عبدالباري نعیمي

کابل دحاجې یعقوب څلور لاری