د خیبر جرګه ــ ۲
پښتانه چې په خیبر سره جرګه شي
پنجابی به پېښوره څخه تښتي
پنجابي له ځانګړتیاوو بله دا ده
چې په جنګ کې له ډګره څخه تښتي
د پنجاب په غلامۍ کې به څه خوند وي
ګلخانی چې خپل ټبره څخه تښتي
د حالاتو د بهیر ژباړه دا ښۍ
چې دښمن(۱) له لروبره څخه تښتي
چې شېدې د پښتنې مور يي رودلې
په کوم مخ به له سنګره څخه تښتي
بده ورځ چې په چا راشي مرادزیه
باخبر له بېخبره څخه تښتي
یادوونه:
(۱ ) له دښمن څخه دلته موخه امریکا ده.
د ۲۰۲۴ کال د سیپټمبر ۱۵ مه
سرلوڅ مرادزی