پښتو شعرونه
د پښتو شاعرانو نړۍ ته ښه راغلاست
غزل
غزل
پټ يمه جانانه په ګل پاڼو کې
مه مې لټوه زړګې په کاڼو کې
ما د تل قدم په ليمو وړي دي
خير که نن مې شماری رقيبانوکې
وائي ليونې راته دکلې خلک
ته مې ولې بولې ليونيانو کې
مونږ نه پسرلې په ژړا تتلې دې
ځکه خوشبوئې نشته ګلانو کې
زيري چې په مونږ دنارنج ګل کاوه
نشته ا بلبلې په مرغانو کې
لاس کې مې دګلو ګيډې سا ورکړه
ورک چې مې جانان کړو غمازانو کې
لوبې به د زړه په پرهرو کوې
نشته ده وفا په دلبرانو کې
ما پرون پامير اشنا ليدلې وه
ستړي حيران ناست وه په يارانو کې