ستا له سندرو نه دشنوغنمو
دغوڅوغوڅوپاڼوبوی راځي
ستاپه نغموکې دماشومې دنيا
شوخي مستي اوهای وهوی راځي
              ظالمه تاترلاس نيولی بوتلم
              دتېروهېروخاطروڅلي ته
              سلګۍ سلګۍ دې کړمه اوښکې دې کړم
              دپتنګانودايروڅلي ته
لکه باران په وچوخاورو ووري
ته يوه نه تشريح کيدونکې خوشبو
خوږ دجانان اوازه جانه زما
يه په رڼوسترګوليدونکې خوشبو
لکه ګلاب چې په سندرو راشي
لکه بلبل چې پرګلابوواوړي
لپه دې ډکه له دعاوينمه
رڼې اوبه دې پر شرابو واوړې
              ستا په اوازکې سادګې روانه
              له زړه راځي دزړونوتل کې ګرځي
              لکه ازادې دطبعيت زمزمې
              دګورو ونو په ځنګل کې ګرځي

٨٤-جوزا-٣١کابل خيرخانه مېنه