د هجران په شپه ډيوه په لاس کې راغله
خدای خبر چې چرته تله په لاس کې راغله

ناڅاپي خندا يې زړه زما لمبه کړو
زړه بيا چرته وو ايره په لاس کې راغله

رقيبان خو دې اوس ټول راته راتېر شي
چې يار راغی نو وسله په لاس کې راغله

چې مې صبر اميد دواړه ورپسې کړل
چې د ځان نه خبرېده په لاس کې راغله

څه د شونډو او د زلفو او د سترګو
تصور يې يوه څېره په لاس کې راغله

چې په تلو کې شوه مسکۍ نو بيا به راشي
ای خاطره بس راځه په لاس کې راغله