افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
زخم په ما کې وو خو تاب به مې له تا سره وو
زه هغه سوال وم چې ځواب به مې له تا سره وو
ماته خو عشقه خپل زخمونه هم سم نه وو په یاد
د نیمایي ژوندون حساب به مې له تاسره وو
ما که ګنا کوو خو دا مې ستا له سترګو کوو
ما که ثواب کوو ثواب به مې له تا سره وو
دې ته حېران یمه چې زه دې ترېنه زده نه کړمه
ګني د درد هر یو کتاب به مې له تا سره وو
زه یو غزل ومه د شپون او ته یو مست الهام وې
د هر یوه ټکي انتخاب به مې له تا سره وو