افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په زخمي زړګي مې مالګې دوړوې هم
رقیبان مې نندارې ته رابلې هم
په قران راسره غبرګ لاسونه ږدې هم
خپله ژمنه سم دواره ماتوې هم
دا منمه چې په لک روپو مې اخلې
په یوه روپۍ مې بیرته خرڅوې هم
د ګریوان فصل مې والی وچکالۍ دی
وچې شوې مې د سترګو دي چینې هم
که ځوانان کوي د خپل وطن ساتنه
ورته ناستې دي په طمعه پښتنې هم
ورځ خو وخته لاس اخستی و زما نه
خپلې غیږې نه جدا کړم تورې شپې هم
شړک خو څه اوس یې په بل ورخوروې هم
په همدې زلفو دې ما پانسي کوې هم
ټولې هیلې دې په سین لاهو کیدې هم
لیوني غوندې بیداره خاندیدې هم