په پرهرونو به دوا وکي نو ښه به وکي 

هغه که لږ شانتې موسکا وکي نو ښه به وکي

مور مې چې دا خبره بیا وکي نو ښه به وکي 

پلار مې چې مالره همدا وکي نو ښه به وکي

لالی به شپه پاتې شي زه به یې دیدن وکړمه 

باران که خدای پاک تر سبا وکي نو ښه به وکي

دجونو سرکې دچمبې درز ته په ملا شي قاته

تکرار که بیا ددې ادا وکي نو ښه به وکي

زړه ورکومه په بدل کې ترینه زړه غواړمه 

که توکل وکي دا سودا وکي نو ښه به وکي

چې احمدزي لره دعا کوي نو ښه نه کوي 

چې احمدزي لره ښیرا وکي نو ښه به وکي