افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
لاړمه له ځانه ځکه ستا په لاره راغلمه
اوس به مې څوک څه ويني که څو څو واره راغلمه
تا له مې د مينې د وږمو ډالۍ راوړې ده
تاؤ مې کړه له غاړې د لونګ له ښاره راغلمه
ګورې چې لفظونه د اظهار نه عاجز شوي دي
سترګې سترګې سترګې د ښکلا معياره راغلمه
پېغله شوه توبه مخې ته نه راځي حيا کوي
خوا له د ساقي چې د ځوانۍ خماره راغلمه
يو دکان کښې هم نه چلېدې د محبت سيکې
تش لاسونه بېرته له دې ډک بازاره راغلمه
لا سکڼی ماښام وي چې سودا د زلفو وخاندي
ووایی چې راغلمه راشده ياره راغلمه
۲ جولای ۲۰۱۸