افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
یو شور و خو رنګینه خاموشی یې زیږوله
څپې څپې ښکلا وه موسیقی یې زیږوله
د غم توره بلا یې د رباب په تار اعدام کړه
د ژوند په مانا پوه وه خوشحالی یې زیږوله
خراج یې له سُرونو جادوګرو ګوتو واخست
سرور یې رابیدار کړو شاعری یې زیږوله
ملنګ غوندی غرور وې د نغمو جامې اغوستې
نظر د مسیحا و زندګی یې زیږوله
«راشده» خوږ محفل و خو «ساحل» او «همیم» نه وو
احساس د بیلتانه و بې وسی یې زیږوله
ملی رادیو تیلیویزون - کابل
۲۰ دسمبر ۲۰۱۸
ساحل - نبی ساحل
همیم- همیم جلالزی