افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نه در رسيږم څه چاره مې وکړه
راشه مړکيږم څه چاره مې وکړه
شپه ده روان يم ديوالونو پــورې
زنګيږم لويږم څه چاره مې وکړه
ته راته ګورې زه اخستى يم سيند
پکې ډوبـــيږم څه چاره مې وکړه
په غــرونو غــرونو درپسې راغلمه
نور نو غورځيږم څه چاره مې وکړه
ودانه اوس دې په ټــول کلي کې زه
په نــوم ياديږم څه چاره مې وکړه