افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ما دې ته نه کتل چې چرته راغلم چا ته راغلم
خو ما هر څۀ هير کړل اشنا او بيرته تا ته راغلم
ستا د طلب د لار سختۍ وې زما ستړی وجود
چې يو قدم به مخته تلم نو دوه به شا ته راغلم
تا د اظهار ويل او ما درته زړګی ډالۍ کړ
تا ابتدا غوښتله او زه انتها ته راغلم
په ښاريه کې د بيان د آزادۍ د لاسه
د خپل وجود له شوره تنګ شوم او صحرا ته راغلم
صابره څوک وو زما, زه آخر د چا پکار وم?
هغه زما چې وه پکار، هغې شها ته راغلم