افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
اوس خو لا زړونه دي بلېږي ها د چا خبره
نه مو ډېوه په کار راځي نه د ړنا خبره
دوى مې د زړه په درزا هله پوه شوه کله چې ما
په ژبه اړاوه ستا نوم چې وکړم بيا خبره
له ډېره وخته يې په زړه کې ساتي نه يې ليکي
دغه قاتل په خپل تندي د مدعا خبره
تورې جامې به بيا و نه کړم څو مې وس وي چيرته
ما چې کږلې دا خبره وه رښتيا خبره
اوربل دي دود شم په دې لاره يو څو پلونه پراته
همزولي مه کوه د باد او د هوا خبره
ستا د کوچۍ په لاس کې داسې يوه تشه پرته
ډکه به نه شي نه په ستورو نه په دا خبره