افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
زما سهار
ته مې سهار يې له خوبونو راويښيږم په تا
ته مې رڼا يې له تيارو نه راخوځيږم په تا
لمر د سهار، نم د باران، قوت د زړه يې زما
زه تازه كيږم، زرغونيږم، آباديږم په تا
د زړه جمال دې راته حسن كې هميش څرگند شي
لا هره ورځ تر بلې ورځې مينيږم په تا
كله خنجر شې كله زړه باندې مرحم لگوې
زه ټپي كيږم وژل كيږم ژوندۍ كيږم په تا
شيبې د وصل ته دې لاس په دعا ناسته يمه
زه اوبه كيږم، ويلې كيږم او ژړيږم په تا
د ۲۰۱۳ کال د نوامبر شلمه