افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
هغوي وايي چې ناپ تول دے او حساب دے
خدايه ستا په وړاندې ستا بنده خراب دے؟
هيله راوسته حالاتو تر دې ځايه
بل څۀ دي خو نه چينه ده ، نۀ سراب دے
څۀ ناياب دي د سوالونو مهين کاڼې
څۀ زما په شمول هر ذهن تالاب دے
بل نظر پيدا کومه تا ته ګورم
په دې شته نظر مې شک دے چې حجاب دے
د سپرلي په باب يې څۀ پوښتې ممتازه
بس پګړۍ کښې يې ټومبلے سور ګلاب دے