افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ګریوان مو تار و په لمنه کې پخپله نه وو
مونږه د خپل وجود څرمنه کې پخپله نه وو
د دوۍ په ګوتو کې بندونه وو مات شوي ځکه
څوک د زخمونو په شمارنه کې پخپله نه وو
نورو قامونو د ذرې ذرې حساب غوښتلو
د پښتنو به څوک پوښتنه کې پخپله نه وو
بیشکه دوۍ په چا د ګل ګوذار هم نه دی کړی
دوۍ چې وژل څوک په وژنه کې پخپله نه وو
خلکو د دوۍ لپاره تورې جنډې پورته کړلې
او دوۍ د ظلم په غندنه کې پخپله نه وو
دوۍ به سینې د نورو خلکو ډبولې ورته
د خپل اشنا د غم پالنه کې پخپله نه وو
سعوده څوک رانه ګیلې ولې کوي مونږه خو
د خپل کتاب په مخګتنه کې پخپله نه وو