افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
نيمه خوا تللي اشنا ته
ستا په یاد ستا یاران ناست دي خو ته نه يې
په دُعا دې ګویان ناست دي خو ته نه یې
تاته غېږ شوې د وطن د غرو لمنیِ
ستا په قبر ګلان ناست دي خو ته نه يې
خاطرې دې غزونیِ کړي هر لورته
اشنایان دې پرېشان ناست دي خو ته نه یې
کوز اټک ته د لښکر په رسَوو کې
وطنپال په سُکان ناست دي خو ته نه یې
[اِجاره سېوۍ ] راګرځوي هیواد ته
پښتانه په بولان ناست دی خو ته نه یې
چې کړي پوریِ چَودريان له اباسينه
ملا تړلي ځوانان ناست دي خو ته نه يې
چې خانان له پنجابيانو پرې کړي پړي
افغانان په ارمان ناست دي خو ته نه يې
د وزيرو او مسيدو په پګړو کې
پوټانشيَل ښه پرېمان ناست دي خو ته نه یې
که د سوات د ازادۍ په خيال کې سپور وې
لا دې [ شټرېنګ ] ته ويالان ناست دي خو ته نه یې
تازه خان ويال
مېډاوېل ، لندن
۳ / ۲ / ۲۰۱۲