افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
نغاړلی مې په بنګ ځان مکمل دی ته راځه
ما کړی انتظام نن د بوتل دی ته راځه
جنت دوزخ به بيا سره راکاږو. ليونو
په سرو سپينو شرابو مو توکل دی ته راځه
ماښام دی سيګرټ ډک که د ګلډيف ډبی درواخله
دا غم خو هسې غم مونږ سره مل دی ته راځه
دا ژوند دوه نېمې ورځې راشه نوش که شرابونه
که نن نه وي ؟ سبا ته مو اجل دی ته راځه
چې سر دپښتون ورېبي او سترګه کړې پرې سره
خبر يې نن همدا سړی اتل دی ته راځه
د ځانه يم. باغي د ژوندون په پېچو خم کې
سکون ته مې خوښ کړی ستا څنګل دی ته راځه
ما حول د سرور جوړ وي په يارانو برکت
ما کړی د ملا. سره نن چل دی ته راځه