افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ملا يڼې د شيخۍ دعوې دې پريږده
نن راوايه د سبا بهانې دې پريږده
ته راډکه لپه نوش شراب په ما که
د جنت او د دوزخ کيسې دې پريږده
په خوشبو ئې ما خمار درسره واخله
په ټاټر د لونګين دانې دې پريږده
مونږه ټول عمر ګاللی په خزان کې
وا هوښيارې د وصال وعدې دې پريږده
تر درګا ئې دا بينا خو راممکين که
خير باقي سرور کتاب کې ړندې پريږده