افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
ستادپاره
شپه مې ورځ او ورځ مې شپه کړه ستا دپاره
مادنیا ټوله خفه کړه ستا دپاره
چې تیاره وه ته رڼا ته وې محتاجه
په ځان پورې مې لمبه کړه ستادپاره
دبتانو عبادت نه مې توبه وه
څنګه ماته مې توبه کړه ستا دپاره
په دې هیله چې ته راشې زه به ګل شم
دازغو سره مې شپه کړه ستا دپاره
کوچۍ نه پرېږدي کېږدۍ د چا له پاره
ما هغه هم په ځان وکړه ستا دپاره
ته ګل چین وې په ګلانو باندې مړ وې
ځان نه جوړه مې وږمه کړه ستا دپاره