چې خوږ شو در نزدې شو  نو جانان ويل پکار دي
دې ځينو ځينوخلکو ته اسمان ويل پکاردي

چې قدر د مين د مړاوو مړاوو اوښکو نه کړي
دازړه نه دى ، دې زړه ته قبرستان ويل پکاردي

جامې يې دبارودوپه تن کړي مرګ له درومي
دې ځوان ته چې مرګ پلوري يو ناځوان ويل پکاردي

په تکه سپينه ورځ کې د جانان ديدن پکاردى
په تکه توره شپه کې ياقربان ويل پکار دي

دربان سره يې غبرګ په دروازه تړلي سپي دي
دوخت دغه ټول واک ته خو سګ بان ويل پکاردي

دچا په لاره نه ځي اودچا نه کرکه نه کړي
عامر ته ددې دور لوى انسان ويل پکاردي

پېښور
٢٠٠٨   جنوري ٢