دهيلواباسين يې په غورځنګ دى که يې ګورې
ولاړدرته کوڅه کې يو ملنګ دى که يې ګورې
يوڅوک لکه موسى خبر دطورله کرشمودى
دوخت دهرفرعون سره په جنګ دى که يې ګورې
شغادسپينوتوروله ازله دلته برېښي
هم دلته شرمېدلى هراورنګ دى که يې ګورې
خبره که دجنګ وي جنګيالى هريوافغان دى
په سرداننګويې سورکى رنګ دى که يې ګورې
دادښته به داوښکوپه باران اوبه کومه
کرلى مې په زړه فصل دننګ دى که يې ګورې
يوداسې لېونى دى عين ترداره درسره ځي
پرېکړى سر ولاړداستاپه ننګ دى که يې ګورې
دروايې خله ځونډى يې کړه سينې ته دې نزدې کړه
عامر له رنګه توردى خولونګ دى که يې ګورې