افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
زنداني
یوه ښکلې نګهبانه
دتیاره زندان پنجرو کې
ګنهکار دمینې ساتي
زنداني هره خوا ګوري
بس وجود دنګهبانې
دهغه پر روح راخور دی
ښکلې سترګې یې ساتونکې
مخ یې ورځ زلفې یې شپې دي
یو ساده غوندې ژوندون دی.
یوه ورځ چې نګهبانه
عبادت لپاره ولاړه
یوه ورځ یې چې دعاته
دآمین سترګې شوې پټې
یو ناڅاپه هرڅه تور شول
دژوندون رڼا شوه ورکه
زنداني چې هرخوا ګوري
هغه دوه سترګې نه ویني
په زندان کې هنګامه شوه
نګهبانه را په خود شوه
ژریې وکتل زندان ته
زنداني پر خپل ځای نه و
نګهبانه شوه پریشانه
مګر نه چې زنداني وي تښتېدلی؟
خو چې ګوري هسې نه ده
زنداني بې نګهبانې
ژوند په تورو تیږو وویشت
زنداني
بې له دوه سترګو
ځای پرځای هملته مړ شو.
۶سلواغه ۱۳۸۷