دا رنګونه چې زيړيږي کرښې کرښې هـر جبــــــين دې 
 دا لا څه رنګې سپرلې دې دا لا کوم قـــسم تسکين دې 
  
 مونږ پرې خپلې وينې توئې کړې قربانۍ مو ډيرې ورکړې 
 خو چمن ښيرازه نه شو دلته هر مـالـــــي ګــــل چين دې 
  
 کـــه لـــــه ډيـــــرو مجبـــورو نه په خلۀ هيڅ وئيلی نه شم 
 خو وريځ چې وي اسمان کې داسې نه وايم چې شين دې 
  
 زمانې ستا په نظر کې چــــې لمـــــن مــــــې پاکه نه شوه 
 بيا خو دا سوده دروغ دي چې څوک وائي قـــــــــام ائين دې 
  
 مونږ پــــــه خپـــــــلــو مټــو ټينګ يو د چا لافو پسې نه ځو 
 ستا په سر باندې خپــــــل سر ږدو دا زمونږه پوخ يقين دې 
  
 ارماني ياران خبر کړه چې مظلوم باندې ننـــــګ اوکـــــړي 
 دا بمونه چې پرې اوري يو ويت نــــــام بـــــــل فلسطين دې