افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
مړې تلوسې
خـار دانتظــــــاردې ددیــــــدارلمــــــن کــــې ونغـــــاړه
زمـــــادزړه تڼاکـــــې دانګـــــــارلمــــــن کــــــې ونغاړه
پریــــــــږده چې نور ډوبي دحسرت په سمندر کې شي
هیلې مـــــې داوښــــــکـــــو د ابشــــار لمن کې ونغاړه
خدای کــــه ئې په زور سره ظالمه ځان ته ټیټ کاندې
دا ســــــرکښـــــه ســـــر زمــــا د دار لمــــــن کې ونغاړه
شال که پرې د پیـــغلو پاڼــــــو نه غوړه وې زما په زړه
دا لــــــه غمــــــه تــــــور بــــــورا دخار لمــن کې ونغاړه
راشــــــه پسرلــــــیه چـــــې وږمــــــې دعنبرینـــــي شي
یوه یــــــوه دزلفـــــــانــــــو دعطار لمـن کــــې ونغــــاړه
دلـــــته لـــــه غــــــوږو نـــــه د الفت پردې شلیدلي دي
دا سوې زغمي نغمـــــــې د تــــار لمــــــن کــــې ونغاړه
راشه شیخـــــــه راشه بســـــــم الله کـــړه جام در ونیسه
زهد دریا دې دخمـــــــار لــــــــــمن کــــــــــې ونـــــــغاړه
ځه ورځــــــــه حسَنــــه تــــــــه غلط چـــــــم ته راغلی ئې
مړې تلوسې ټولې د مزار لـــــــــــمن کـــــــــې ونــــغاړه