افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
چې حادثو يوازې پاتې كړمه
خپلو پردو يوازې پاتې كړمه
ما چې په چا باندې نازونه كول
خدائګو هغو يوازې پاتې كړمه
يوه كيسه نده چې ياده يې كړم
ډېرو كيسو يوازې پاتې كړمه
ځكه په چا باور كولاى نشم
ډېرو وعدو يوازې پاتې كړى مه
د محبت په جوارۍ كې همېش
خپلې پښتو يوازې پاتې كړى مه
د با په سر د چا خندا لايقه!
زه په سلګو يوازې پاتې كړى مه