افغان اتلان

پښتو شعرونه

افغان اتلان · ادب او کلتور

د پښتو شاعرانو نړۍ ته ښه راغلاست

299 شاعران4249 شعرونه

غزل

چې څومره راته کم ګورې روانــــــه زمـــــــــانــــــــــــه
بس هومره ده والله چــــې موږ ته ګرانه زمــــــانـــــــه

اوس هره شېبه ، هر نظر په تريو تـــــــندي راګوري
يو وخت به راته شنه وه له خــــــندا نه زمـــــانـــــــــه

بانه غواړي ، يو بل ته مو دې زړونــــــو لاري کړي
پخلا دې ما ، او يار کړې نور ، اسمانــــه ! زمانه

راځه ( الف ، ب ، ت ) نه ترې سبق دمېنې پيل کړو
دمينې ښه استاذه ده ، انــــسانه ! زمـــــــانــــــــه

چې چا يمه وژلى ، دچــــــــــا نوم اخيستى نه شم
زما خون به اخلي خداى خبر لـــــــه چانه زمانه ؟

حالاتو اوس ځپلى يم ، اشنا که نـــــــه والله چې
يـــــــو وخت پر ما مئينه وه جانــــــــــــانه زمانه

چې کله ورته مينه ښايې ، کله ورته کــــــــرکه
يو راز لري له ( څار ) سره پخوانه زمــــــانـــــه