افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
پر كږ ليچونو به راوليږو ډيــــوې بلې ســــــــــــاتــــــــو
د شپو له زړونو نه تېرېږوډيــــــــــــوې بـــــــــلې ســــاتو
څوك مو جبونه څوك مو زړونه څوك مــــاغزه لټوي
د غلو په كلي كې او ســــــــېږو ډيــــــــــــــوې بلې ساتو
تياره محفل كې له ډيوو ســــــــــــره پــــه دار وخــــــــتو
موږ د ډيوو په سر مړه كېږو ډيوې بــــــــــــلې ســـــاتــو
ستوري شهيد بې قبره ګرځو خو قاتل مــو ورک دی
لمر ته له لارو نه خندېږوډيــــــــــــوې بــــــــــــلې ســـاتو
موږ د آسمان په شان دزړه لمنه شنه ســـــــــاتـــــــــــــله
اوس ترې باران په شان ورېږو ډيوې بلې ســـــــاتــــو