افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د ژوند مسته نغمه چې له ربابـــــــــه راوتــــلـــه
د مينې ولوله مې له شبابـــــــــــه راوتــــــــــــلــــه
زم زم خو به چا نه وي په مينا کې اړولــــــــــي؟
بيګا شپه چې وږمه يې له شرابه راوتــــــــــلــه
د تندې تلوسه مې وار له واره زياتــــيـــدلـــــه
ها ښکلې چې يارانو له سُرابــــــــــــه راوتـــــله
پرون چې د مطرب له ترنګه څه مې اوريـدلي
هم هغه مسئله نن له کـــــــتابــــه راوتــــــــــلــــه
کوم چا به په پنجره کې بنديوانه وي ساتلي
کوتره خو به ”بازه “ بې حجابه راوتـــــــلــــــــه