اسمـــــان په کاڼـــــو ولي او هلال ویده ویده دی

عــــذاب ورته څــــه نه وایي اوبال ویده ویده دی

څو ښکلې ملایکې دکیږدۍ حرم کـــې ناستــــې

له مخ نه یې شغلې ځي خو اقبال ویده ویده دی

‌‌ذ اهد دبت رڼو سترګو ته ناست په عبادت دی

راغــــلي راهـــبــان دي دابـــــلال ویده ویده دی

ماښـــــام دبد رنګیو دسهار په وینو موړ شــــو

دپیغــــلو ښاپیریو سپین جمال ویده ویده دی

ډولۍ دنرګس ډوبه شوه  دنیل په سمندر کې

بازار شو د پوډرو شینکی خال ویده ویده دی

ښکلا درنګینیــــو دشــــاعــــر قلـــــم تــــه ژاړي

دحسن جنازه وړي « سنګروال » ویده ویده دی

۱۳ / ۱۲ / ۹۷ ټسکلا