پښه په پام ږده کالي،

پښه په پام ږده چې ګناه ونه ګړې،

چېرې خطاونه کړې،

زما د یو عمر ارزو او ځوانیمرګو اسرو،

ماڼۍ راړنګه نه کړې،

پښه په پام ږده،

پښه په پام ږده مالي،

دلته ددغې ونې،

له همدې شنو او پلنو پاڼو لاندې،

او د همدغه شنه لختي په غاړه،

د دې ویلنو منځ کې،

یوه رڼه شپه کې د شنه پسرلي،

چې د سپوږمۍ ناوکۍ،

د دې شنو پلنو پاڼو،

له منځه، منځه نه په غلا غلا زما خوا ته کتل،

ما د یو پټې او خوږې شان ګناه،

د یوې ښکلې خاطرې جنازه،

وه ښخه کړې چې پرې ونه خېږې،

پښه په پامږده.

۱۳۶۵ / ۱۲ / ۱۸