افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
د ګلاب غوندې ځواني ده ستا په لاس کې
او، زمونږه زندګي ده ستا په لاس کې
هم د زړونو ابادي ده ستا په لاس کې
هم د زړونو بربادي ده ستا په لاس کې
چې پاچا درپسې وخوري تيندکونه
بس خو ټووووله پاچاهي ده ستا په لاس کې
ذکاتونه په تا ډېر اوړي، بخيلې
ښه د حُسن پرېماني ده ستا په لاس کې
د هېواد په زړه او ذهن چې دې راج دى
خود يې ټوله شاعري ده ستا په لاس کې.