افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
له ګلابونو له نرګسو به یې ښکلې وایم
که سوله راغله زه به دغسې غزلې وایم
د چا له سترګو به کړم ډک راته کنډول د غاټول
د چا و څڼو ته به څانګې د سنځلې وایم
لکه د غره تنځری چڼ به کوم چڼ به کوم
پر دنګو څوکو به د شنو درو بدلې وایم
له دعاګانو به مې لپه ډکه ډکه لرم
نه به ښېرې کومه نه به هم کنځلې وایم
هر یوه ګل به وي په لاس کې راته غوږ نیولی
خوږه پښتو به بس په ژبه د بلبلې وایم