افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
یو کیف دی یو سُرور دی یو زړګی پلی روان دی
غزل غزل فضا ده په کې دی پلی روان دی
د زړه دا نرۍ پاڼې مې نرۍ نرۍ خوږېږي
پر هره یوه پاڼه یو مېږی پلی روان دی
ژوندون یوه نرګس ته په موسکا په ځیر ځیر ګوري
تر څنګ یې د رڼو اوبو لښتی پلی روان دی
پر زړه به یې څوک واوره پاغونده پاغونده وُري
په ټکنده غرمه کې لېونی پلی روان دی
کاروانه په غزل دې داسې روح تازه شي ته وا
د پرخو په چمن کې چې سړی پلی روان دی
۳۱ سرطان ۱۳۹۸ کابل