نه تنها زما دزړه غومبـــــری ســـــــــوځی

له شغلو یې دښایـــــست بــغوری سوځی

پـــه ســل لا رو درنــژدی شی بیرته راشې

ستا په خوا کی می دخیال وزری سوځې

دایې تا راته غوږ ایښی څه بـــه وایــــــــم

چه په خوله کی می دزړه خبـــــری سوځې

له پتنګ سره طواف د شمو څــــــــــه کړم

چی دناز په شمه زړه له لـــری سوځـــــــــې

څه ښادی غواړی د عشـــق له غمکدی نه

په دی بین کی دهوس ســــــندری سوځې

ګڼی هیلی می لـــوګی دیـــــــوی ادا شوی

دځنګله ونی چـــــــی څو وی ګوری سوځې

داتر مو مو نرم زړه څه ورتـــه ټیـــنګ کړم

»پسرلیه» دعشق تاو ډبــــری ســــــــوځې