افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
د کور قاصد
راته ووايه
حال د يارانو
د وطن خپل
و ما پرديس ته
حال را ښکاره که
د دلدارانو،
د وطن څپل
د کور قاصده!
د کور قاصده!
راته ووايه
حال د يارانو
په شنو باغو کي
په شنو دښتو کي
د وطن به
نسيم چليږي
توري وريځي
گرځي دور ځي
بيا به اوريږي
پاكه فضا كي
د آسمانو بي
لمرونه گرځي
ستوري ځليږي
د كور قاصده!
د کور قاصده!
راته ووايه
حال د يارانو
هلته به اوس
بيا پسرلي وي
ښه به هوا
د گل خندا وي
د مستي لوبي
چه مو کولې
هغه به ټوله
بيا مهيا وي
لمر به ځليږي
بلبل چغيږي
غنچې غوړيږي
روڼ به سما وي
د کور قاصده!
د کور قاصده!
راته ووايه
حال د يارانو