سویس: د افغانستان ثبات د سیمې د ټولو هېوادونو په ګټه دی

په پاکستان کې د سویس سفارت ویلي چې د افغانستان ثبات یوازې د دغه هېواد لپاره نه، بلکې د ټولې سیمې د هېوادونو لپاره هم مهم دی.
سفارت ټینګار کړی چې د افغانستان د ثبات لپاره د نړیوالې ټولنې پرلهپسې تعامل، د شریکانو ترمنځ نږدې همغږي او له سیمهییزو هېوادونو سره د خبرو دوام اړین دي.
دا څرګندونې د افغانستان د وروستیو بدلونونو او د هغو د سیمهییزو اغېزو په اړه تر یوې غونډې وروسته شوې دي. په دغه ناسته کې د افغانستان پر روان وضعیت او پر سیمهییزو پایلو یې خبرې شوې دي.
د معلوماتو له مخې، په دې کتنه کې د سویس سفیر، د افغانستان لپاره د بریټانیا ځانګړي استازي او په پاکستان کې د ناروې سفیر ګډون کړی و.
د سویس سفارت ویلي، د غونډې ګډونوالو د افغانستان پر بدلونونو او د هغو پر سیمهییزو اغېزو بحث کړی، خو د ناستې د نورو جزئیاتو په اړه یې معلومات نه دي ورکړي.